Жақында қаламызда мектеп оқушыларының арасында пәнаралық олимпиада болды. Осы олимпиадаға біздің мектеп оқушылары да қатысты. Олардың арасында орыс мектебінің оқушылары: Кириченко Марианна мен Қошқарова Аида да бар. Бұл оқушылар қалалық олимпиадаға алғаш рет қатысып, «қазақ тілі» пәні бойынша өз білімдерін жақсы көрсете білді. Қошқарова Аида ұлты қазақ оқушылардың арасында 53 балға ие болса, Кириченко Марианна өзге ұлт өкілдерінің арасында 63 балға ие болған. Бұл оқушыларды мектебіміздің беделді ұстаздарының бірі, Смаилова Гүлмира Нұрланқызы дайындады. Атап өте кетсек, Гүлмира Нұрланқызы шәкірті Марианнамен 5-ші сыныптан бастап, жеке жұмыс жасап келеді. Бұл оқушы мектепішілік олимпиадаларда да жүлделі орындарға ие болған.