Әй, жарайсың!

Жақында қаламыздың № 29 орта мектебінде, мектеп оқушыларының арасында “Әй, жарайсың!” сайысының финалы болды. Оған біздің мектебіміздің 7 сынып оқушылары: Гладышева Жанна, Марковская Анна, Фисюн Валерия, Лунова Даша, Гайдук Саша, Ковалева Вика қатысып, өз өнерлерін ортаға салды. Байқаудың қойған талаптары да жоғары болды. Өзін-өзі таныстыру кезеңінде оқушылар өлең шумақтарын да айтты. Өнер көрсету кезінде домбырамен “Еркем -ай “әнін шырқады. Мультфильмді қазақ тілінде сөйлетті. “Ауыл көрінісі” тақырыбына арналған кезеңде, оқушылар ауыл тұрмысын, халық педагогигасының ұлттық сипатын бере алды .Үлкенді сыйлау ,құрметтеу – тәрбиесі айқын көрінді. Қазақ халқының төрт түлік малмен байланысты өмірі де жақсы бейнеленді .

Қазылар алқасының ұйғарымы бойынша, жинаған ұпай санына байланысты, біздің мектеп оқушылары III - орынға ие болды.