6 желтоқсанда біздің мектепте Қазақстан Республикасы Білім және ғылым министрлігінің қолдауымен Астана қ. Отбасылық тәрбие институты "5-7 сынып оқушыларының ата-аналарына психологиялық көмек" атты Республикалық тақырыптық ата-аналар конференциясын өткізді. Іс-шара шеңберінде мектеп директорының м.а. Ж.Ж.Шарымбаева және  Қалалық білім бөлімінің өкілі З.Ж.Калиева сәлемдеме сөзін жолдады. Отбасылық тәрбие саласындағы педагог кадрлардың біліктілігін арттыру бойынша мемлекеттік бағдарламаның түлегі психолог  А.М.Катаева баяндама жасады. Ата-аналар жасөспірімдік кезеңнің ерекшеліктері, баламен қарым-қатынас жасаудағы келеңсіз жағдайларды болдырмау ережелері туралы құнды ақпарат алды. Конференция соңында ата-аналар мен педагогтарға жадынамалар таратылды және сауалнама өткізілді.