Сәуірдің 8-де мектебімізде алғаш рет оқу ісінің меңгерушісі Гүлбағда Ердашқызының ұйымдастыруымен «Абай оқулары» болып өтті. Байқауға орыс сыныптарының 5-11 – сынып оқушылары қатысты. Әрбір оқушы Абайдың 15-20 шақты өлеңдерін жатқа мәнерлеп оқудан өз өнерлерін көрсетті. Бұл мектепішілік байқауда Абай әндері де шырқалып, сахнада мысал өлеңдерінен көріністер қойылды.

Байқау барысында 7г сынып оқушысы Жанна Гладышева жүлделі орынға ие болды. Бұл байқау өзге ұлт оқушылары үшін Абайтану мақсатында өткізіліп, оқушылар арасында оқу жылының соңында үлкен әсер қалдырды.