Қазан айының 9-13 аралығында 3 «А» сыныбының оқушылары сынып ішінде «Берекелі алтын күз» атты апталық өткізіп, осы шара аясында өз шығармашылықтарын кеңінен танытты. Күз туралы белгілі ақындардың өлеңдерін жаттап, жұмбақ, мақал-мәтелдерден, күзгі кеңестерден құралған кітапшалар жасады. Сонымен бірге күзді біреуі сөзбен бейнелеп, шығарма жазса, енді біреулері суретін салды. Әсіресе балалар үшін табиғи материалдардан, жеміс, көкөністерден әртүрлі бұйымдар жасау қызықты болды. Әр күннің қорытындылары жасалып, жеңімпаздар дипломдармен марапатталды.