20 қараша күні біздің мектепте бастауыш сыныптар апталығы аясында гимназия сыныптарының ұйымдастыруымен 3-4 сынып оқушыларына арналған «Рухани жаңғырудың жарқын жолы» атты интерактивтік ойын өткізілді. Балалар осы бағдарлама жайлы өз білімдерін ортаға салып, бірлескен іс-әрекет барысында оның басты бағыттарын, оларды жүзеге асырудың жолдарын оқушы тұрғысынан қарастырды. Бәсекеге қабілеттілік, білімнің салтанат құруы, прагматизм, ұлттық бірегейлікті сақтау, сананың ашықтығы дегеннің не екенін тапсырмаларды орындай отырып түсінуге тырысты, соған байланысты ортақ істегі өз орындары мен үлестері жайлы ойларын ашық, дәлелді түрде білдіре алды. Таңдалған тапсырмалар балалардың қызығушылын оятуға және жас ерекшеліктеріне сай таңдалды, сондықтан балалар үшін өте қызықты әрі танымды болды.