12 ақпан күні 7-9 сынып оқушыларымен «Туберкулез және әлеуметтік орта» тақырыбында онлайн ЗУМ басқосуы өткізілді. Оған №2 қалалық аурухананың дәрігері Б.Қ.Қасымова шақырылды және мектеп медбикесі И.М.Назарова да қатысты. Шара барысында туберкулездің алдын алу туралы мәселелер қозғалды.
Туберкулез - бұл әлеуметтік сипатқа ие сырқат қана емес, сонымен қатар аса жұқпалы ауру. Адамнан адамға ауа тамшылары арқылы, яғни жөтелу және тіпті сөйлесу арқылы берілетін ауру. Өкінішке қарай, эпидемиялық қауіпті науқасты сыртқы түрінен анықтау мүмкін емес.Туберкулезді «жасырын» ауру деп те бекер айтпайды. Және бұл рас! Аурудың айқын белгілері, өкінішке қарай, көбінесе өкпеде қайтымсыз өзгерістермен ғана көрінеді. Көп жағдайда туберкулезбен ауыратын адам ұзақ уақыт бойы өзін қанағаттанарлық сезінеді.