Жаңа жыл мерекелерінің өткізілуі туралы

               2019 жылғы  26 ​​желтоқсанында мектебімізде 1-4 сынып  аралығында Жаңа жылдық іс-шаралар өтті. 1–4 сыныптардың сынып жетекшілері  оқушылармен бірге  дайындаған  жаңа жылдық өлеңдерін, әндерін, билерін  көрсетті.  Жаңа жыл, жаңа жылдық дәстүрлер  тақырыбында сынып сағаттарын  өткізді. Мұғалімдер мен оқушылар сынып бөлмелерін, мектеп  дәліздерін безендірді. Балалар мерекелік  іс-шараларға, қызықты сайыстарға  белсенді қатысты. Аяз ата келгеннен кейін шырша айналасында әндер мен билер басталды. Қойылымнан кейін балалар Аяз ата мен Ақшақарға өлең оқыды, кейіпкерлермен бірге суретке түсті, Жаңа жылдық сыйлықтар алды. Мектеп әкімшілігі атынан барлық ата-аналар мен мұғалімдерге,оқушыларға  көмектері мен жаңа жылдық мерекелерге белсенді қатысқандары үшін алғыс айтады.