Тамара Ильинична Жданко 80 жастың төріне шыққалы тұрған ардагер-ұстаз, сонау Новосибирск қаласынан 21 жыл өзі басқарған №7 мектепке келіп жаңарған мектепті көріп, мақтанышы мен таңданыс сезімін шын ықыласпен жеткізді. Мектеп мұражайын аралап, қыр-сыры мол, қиын да жауапты шығармашылық еңбек жолын еске алып біраз сыр шертті. Кездесуде №7 мектеті кезінде басқарған Татьяна Алексеевна Мигунова, Халида Васильевна Бекбосынова және мектептің қазіргі басшысы Мурат Бакенович Асаинов, бірге істеген ұстаздар Батия Ахметовна Карменова, Мадина Даркеновна Мусабекова болды.