9 «А» сынып оқушылары жаңа оқу жылын «Мен өз Отанымның патриотымын» атты сынып сағатымен бастады. Оқушылар саналы тәртіп пен сапалы білім арқылы болашағы жарқын болатынын түсінеді. Сабаққа әскери бөлімнің аға сержанты келді. Қонақ өз қызметі туралы айтып, оқушыларды қызықтыратын сұрақтарға жауап берді. Ұлдарды әсіресе Отан алдындағы борышты өтеу туралы ережелер қызықтырды. Сыныптан Баритов Бекзат Астанада «Ұланда» оқып жатса, енді Жандыбаев Алишер де өз болашағын әскери қызметпен байланыстырғысы келеді.