2018 жылы маусым айының 5-де, Павлодар қаласы, № 7 жалпы орта мектебіндегі «Достық» жазғы сауықтыру лагері күнді көңілді таңғы сергіту жаттығуларынан бастады. Таңғы астан кейін балаларға қауіпсіздік шараларын түсіндіру, өрт оқиғасының салдарын сахналық көрініс арқылы көрсету, келешек ұрпаққа құтқару шараларын дәріптеп насихаттау мақсатында Ж. Аймаутов атындағы облыстық драм театрда болған сахналық көрініске лагерь балалары барды. Сонымен қатар, Павлодар облысының 80жылдығына орай Павлодар қаласының Гагарин саябағында үлкен іс – шара өткізілді. Іс-шараға №7 мектеп профильдік лагердің «Қолөнер-сырлы өнер», «Роботтехника» топтарының балалары қатысты. Балалар бірнеше тапсырмалары бар аялдамалардан өтті: өз топтарын қорғау, жұмбақтар шешу, атақты спортшыларды атап өту, турниктен тартылу тағы қызықты тапсырмаларды орындады. Шараның соңында белсенді қатысқандары үшін грамотамен марапатталып, балалар жақсы көңіл-күймен оралды.