Павлодар қаласы  № 9 ЖОББГМ  6 «А» сынып оқушысы Малыгин Владислав бала кезінен шахматпен әуестенеді. Владиславтың отбасы шахматшылар династиясы. Атасы да, анасы да, ағасы да –барлығы  осы спорт түрімен кәсіби деңгейде айналысады. Владтың шахматпен қызығушылығы  бала кезден басталды.

    Бүгінгі күні жас шахматшының жетістіктері:  бірнеше мәрте  облыс, қала чемпионы, Астанада өткен шахматтар бойынша ҚР БҒМ кубогы үшін Республикалық  турнирдің жүлдегері; классика бойынша ҚР 14 жасқа дейінгі  чемпионатта 3 орын (Павлодар), халықаралық шахматтар турнирінде 1 орын(Чехия, 2019 ж.), ҚР «Мемориал Уфимцева А.Г.» балалар Кубогінде  (Костанай). Малыгин Владислав –шахмат бойынша  спорт шебері,ҚР  14 жасқа дейінгі мықты шахматшылар ондығының ішіне кіреді.

      Владиславтың феноменалдық табысы – оның зор талабының,еңбекқорлығының, өз күшіне  деген үлкен сенімнің куәсі! Жас шахмат жүлдызына  алда үлкен жеңістер тілейміз!