27 қыркүйек күні Республикалық «Бір ел – бір кітап» атты акциясына арналған №11 орта мектепте әдеби кеші өтті. Оның мақсаты:қазақ әдебиетінің аса көрнекті өкілі суырыпсалма ақын, ойшыл, талантты тұлға Дулат Бабатайұлының шығармашылығын кеңірек насихаттау,оқушылардың тіл шеберлігін, дүниетанымдық көзқарасын арттыру, туған жерінің елжанды азаматы болуға, имандылыққа, парасаттылыққа отансүйгіштікке тәрбиелеу. Әдеби кешке 7,8,9 сынып оқушылары белсенді қатысып,ақын туралы,қазақ елінің саяси жағдайы туралы баяндама жасап,оның шығармаларын оқып,талдап толық мәліметтер берді. Бұл шараны ұйымдастыруда мектеп кітапханашы Аверина О.И. көрме ұйымдастырды. Ақынның өмірі және шығыармалары туралы видебейне,презентация көрсетілді. Әдеби кешті ұйымдастырушылар қазақ тілі пәні мұғалімдері Турдыева Н.Ш.,Кайрбаева А.Г. Бұл шараны өткізуде тарих пән мұғалімі Килаш Р.Ж. өз үлесін қосты.