Бүгін мектеп ұжымы Қазақстан Республикасының Президенті Н.Ә.Назарбаевтың Қазақстан халқына "Төртінші өнеркәсіптік революция жағдайындағы дамудың жаңа мүмкіндіктері" атты Жолдауын талқылады. Қазақстан Республикасының Президентінің жыл сайынғы Жолдауы - бұл еліміздегі ең маңызды оқиғалардың бірі. Елбасы біздің қоғамның дамуының негізгі векторын белгілеп беруі дәстүрге айналды.  Президент атап өткен Қазақстанның алдында тұрған он негізгі міндеттердің әрқайсысының артында  қазақстандық қоғамға - өнеркәсіпке, қаржыға, білім беруге және т.б. заманауи технологияларды белсенді түрде енгізу жолымен жүзеге асырылатын нақты жолдар тұр. Елбасының адами капиталды модернизациялау туралы айтқан сөздері бірауыздан қабылданды. Мектеп педагогтары Елбасының бюджет саласы қызметкерлеріне, оның ішінде зейнетақы мен жәрдемақыларды арттыруға бағытталған қамқорлығына тәнті болды. Қатысушылар талқылау барысында пікірлерімен бөлісті. Сондай-ақ, сынып сағаттары да өткізіліп, онда оқушылар Жолдаумен танысты.