16 наурыз күні №15 ЖОМ-де 1 "Б" сыныбы оқушыларымен « Ақ пейілді - күн сәулесі» атты сынып сағаты өткізілді. Оның мақсаты оқушыларды  қоршаған адамдарды сыйлау мен мейірімді болуға тәрбиелеу; оқушылардың сыпайы сөздерді білуін кеңейтіп, оларды өмірде қолдануды үйрету; айналадағы адамдардың және өздерінің тәртіптерін бағалай білуді дамытып, сөйлеу мәдениеті дағдыларын тәрбиелеу; "мейірімділік" пен "достық" сөздерін түсіндіру; мейірімді істер жасауға ынталандыру; олардың жүректерінде де мейірімділік, сүйіспеншілік, қайырымдылық, қамқорлық болуы үшін  айналасындағы адамдарға мейірімді істер жасай білу қабілетін тәрбиелеу. Балалар өздерін көре алатындай бірнеше жағдайларды талқылады, әр кейіпкердің тәртібін бағалады. Соңында балалар "Мейірімділік жолымен" әнін орындады.