Наурыз –жыл басы. Наурыз – жаңа жылдың бірінші күні болып саналады, бұл күн - күн мен түннің теңелу күні.

Наурызды «Ұлыстың Ұлы күні» деп те атайды. Бұл мейрамды берекелі етіп тойласа, үйге ырыс пен бақ келеді деп сенген.

Мейрам күні қазақтар әдемі киімдерін киіп, бір–біріне қонаққа барады, келер жыл ырысты болсын деп жақсы тілектер айтады.

Тойлау барша қауымдық сауық-сайранмен, ұлттық ойындармен, ат жарысымен және т.б. көңіл көтерушілікпен жалғасады. Ең басты салттық тағам -наурыз көже болып саналады. Наурыз  көже жеті түрлі тағамнан жасалынады. Бұлар: су, ет, тұз, май, ұн, дәндер(күріш немесе арпа), сүт.

Ұлыстың ұлы күні баршамыздың шаңырақтарымызға шаттық, денсаулық, берекелі мол дастархан, зор байлық әкелсін! Ақ мол болсын! Ұлыстың Ұлы күні Наурыз мейрамы құтты болсын!

Бәкібаева Дәмелі 4 «Г» сыныбы