Мектеп ішінде қазақ тілі мен әдебиет апталығы өтілуде. 15.03-16.03 күндері бастауыш сынып ата-аналары үшін «қазақша сөйлесейік» атты науқан өткізілді. Науқан орыс тілді сынып оқушыларының ата-аналары үшін ұйымдастырылды. Мемлекеттік тілді білу деңгейі тексерілді. Ата-аналар күнделікті өмірде қолданатын сөздерді аударды, сандарды қазақша айтып, уақыттың өлшемдерін, апта күндерін айтты, мақал-мәтелдерді де толықтырды. Сонымен қатар ата-аналармен шағын сұхбат өткізілді. Олар сұрақтарға тек қазақша жауап берді, оларға балалары көмектесті. Білу деңгейлері өте жақсы ата-аналардың балаларына қазақ тілі пәні бойынша «5» деген баға қойылды және тәтті сыйлықтар таратылды. Аталған науқан ата-аналарға өте ұнады. Дәл осындай науқан оқушыларға да ұйымдастырылады.