«Мектеп дәстүрі» сайысында

«Мектептің 12 сәті» қалалық сайысының «Мектеп дәстүрі»

номинациясы бойынша мектеп оқушыларынан ұйымдастырылған топтың «Мәшһүр-Жүсіп кесенесіне саяхат» тақырыбында дайындаған презентациясы өз деңгейінде бағаланып, тағы да лауреат атағына ие болып келді. Мұнда ДТЖО Қаламқас Байдуллақызы бастаған топ 2008 жылдан бері дәстүрлі түрде жылына екі рет Баянауылдағы М.Ж.Көпеевтің кесенесі мен мұражайына жасалатын саяхат жөнінде терең және мазмұнды жеткізіп берді. Сайыс қатысушылары саяхат жасаған 4-9 сынып оқушыларынан құрылды. Әрбір оқушы саяхат кезінде өздерінің алған әсерлері туралы айтып берді.