Республикалық жалпы ұлттық ата-аналар жиналысының аясында 2017 жылғы 12 мамыр күні Павлодар қаласының 19 жалпы білім беру мектебінде ата-аналармен жиналыс өткізілді. Мақсаты - ата-аналарды жаңартылған білім беру мазмұнын ендіру бойынша мемлекеттік білім беру саясатын талқылауға баулу. Сонымен бірге білім беру ұйымдарындағы басқарудың алқалы түріндегі қамқорлық кеңесінің жұмысын белсендету.

Жиналыста мектептің қамқорлық кеңесінің жұмысын ұйымдастыру, демеушілік пен қайырымдылық, жаңа форматтағы ҰБТ ұйымдастыру, балалардың жазғы демалысын ұйымдастыру мәселелері қарастырылды.

Жиналысқа 1-11 сынып оқушыларының 800-ден астам ата-аналары қатысты. Жиналыстың мәселелері бойынша мектеп басшылары мен олардың орынбаарлары сөз  сөйледі. Олар өз баяндамасында тәрбие берудегі отбасы, мектеп, қоғамның байланысын бекіту және оқушылардың сапалы білім алуындағы қамқорлық кеңесінің рөлі туралы айтып кетті. Жаңа форматты ҰБТ ұйымдастыру мен балалардың жазғы демалысын ұйымдастыру бойынша шаралар туралы түсінік берілді. Ата-аналар өз сұрақтарына жауап алды. Жиналыстағы тақырыптар бойынша пікірталасқа ата-аналар комитеті, ата-аналар және қамқорлық кеңесінің өкілдері қатысты.