Бүгін лицей-мектебімізге Ә.Марғұлан атындағы Павлодар педагогикалық университетінің басқарма төрағасы-ректоры, пед.ғыл.канд. Жанбол Октябрович Жилбаев бастаған оқу орнының басшылығы - академиялық мәселелер жөніндегі проректор О.К.Андрющенко, ЖОО дейінгі және кәсіптік бағдар беру жұмысы бөлімінің бастығы Г.К. Мусанова, Гуманитарлық ғылымдар жоғары мектебінің деканы А.Е. Каримова мен вице-деканы М.И. Оразханова қонақта болды. Кездесудің барысында лицей-мектебімен, басшылықпен және мектеп ұжымымен танысып, болашақта екіжақты ынтымақтастық жасау, кәсіптік бағдарлау бойынша бірлесе жұмыс атқару, ұстаздар тарапынан айтылған түрлі ұсыныстарды қарастыру сияқты мәселелер ортаға салынды.
Кездесу соңында университет ректоры Ж.О. Жилбаев лицей-мектебінің басшысы Л.Б. Жусупованы аталмыш оқу орнының «Ұстаздар ордасы» атты 60 жылдық мерейтойлық медалімен марапаттап, жаңа ұжымға жаңа жетістіктер тіледі.