№20 лицей- мектебінің жаратылыстану- гуманитарлық бағыты бойынша пән апталығы өтуде. Жоспар бойынша  8 Қ сыныбында қазақ әдебиеті пәнінен Қабдеш Жұмаділовтың «Қаздар қайтып барады» тақырыбына интеграциялық сабақ өткізілді. Пән мұғалімі Жунусова Жұмазия Қапарқызының зор ізденіспен, шығармашылық және тарих пәнімен пәнаралық байланыста құрылған сабақ жоспарының нәтижесінде ашық сабақ тартымды да, қызықты өтті. Оқушылар өз пікірлерін еркін айтып, сабаққа белсене қатысты. Сабақ соңында Қазақстан жеріне танымал болған қандастарымыз туралы мәліметтер беріліп, дүние жүзінің 55 елінде тарыдай шашылып өмір сүріп жатқан қазақтар саны слайд арқылы көрсетілді және Е.Хасанғалиевтің «Атамекен» әнімен қорытындылады.