Бүгін оқу үрдісі біздің мектепте өзгеше басталды: кезекші вахтада тек қана лицейліктер тұрды. Мерекелік киінген, қолдарына шар ұстаған барлық қыздар ұстаздарымен бірге ер - азаматтарды -  өздерінің педагогтары мен жасөспірім ер балаларды Отан қорғаушылар күнімен құттықтап, салтанатты қол шапалақтаумен қарсы алды. Бұл күн- ерліктің, батырлық пен жанқиярлықтың, қаһармандықтың мерекесі. Бүгін біз өз туған елін қорғаған, әскери міндетін адал атқарған және келешекте әрі қарай жалғастыратын ұрпақтарды құттықтадық. Барлық сыныптарда сынып жетекшілерінің көмегімен балалардың дайындаған "Ерлік" сабағы өткізілді.