Бүгін № 20 лицей-мектебінің оқушылары Павлодар қаласының балалар шығармашылығын қамту орталығына барды. Бұл орталықта «Достық толқыны» атты интеллектуалдық бейіндік ауысым ашылды. Ең басында балалар жеребе арқылы топтар құрды, топтың атын, ұранын және төс белгісін қорғады. Содан соң интеллектуалдық бейіндік ауысымның ашылуына байланысты салтанатты жиынға барлық оқушылар жиналды. Барлық топтарға мынадай тапсырма берілді: өз тобының мега презентациясын құру. Барлық топтың қатысушылары өздерінің өнерлерін, шеберліктерін салып 100 пайыз өнерлерін көрсетті. Презентациялары өте керемет және қызықты болып шықты. Сайыстың соңы «Ханзаданы күлдірт» атты сатирикалық шоу – бағдарламамен аяқталды.