№20 лицей-мектебінде Қазақстан Республикасының Тәуелсіздік күніне арналған «Тәуелсіздік шыңында» атты мерекелік концерт өтті. Концерттік бағдарлама барысында патриоттық тақырыпқа арналған әндер мен өлеңдер шырқалды, Қазақстан Республикасының қалыптасуы мен дамуы туралы әңгімелейтін бейнеролик ұсынылды. Қалыптасқан дәстүр бойынша мереке қарсаңында еңбекте жақсы көрсеткіштерге жеткен мұғалімдерге алғыс хаттары мен мақтау қағаздары тапсырылды. Концерт бейбітшілік , аман-саулық пен гүлденудің символы ретінде жауған әсерлі «алтын жаңбырмен» аяқталды.