08.06.2018 жылы Павлодар қаласы №20 лицей-мектебінің оқушылары таңғы жаттығуды ерекше өткізуді ұйғарды. Осыған орай оқушылар Павлодар қаласының жағалауында өткен салауатты өмір салтын қолдау шеңберінде «Challenge «Сенің жаңа қырың» атты республикалық спорттық жобасына қатысты. Жоба қазақстандықтардың салауатты өмір салты мен спортқа деген қызығушылықтарын қалыптастырды. Бұл бағдарламаны Қазақстан Республикасының президенті Нұрсұлтан Назарбаев қолдаған болатын.
   Спортпен шұғылдану физикалық күш-жігерді нығайтады, сонымен қатар, балалардың ерік-жігерін молайтады, табандылыққа, жетістікке ұмтылуға тәрбиелейді, жоғары адамгершілік рухани сапасын қалыптастырады. Бағдарламаның әлеуметтік маңызы өте зор, себебі оқушылар жаттығуға белсенді қатыстып, денсаулықтарын сақтауға демеу алды.