Облыстық мамандандырылған әскери мектеп-интернатында 2019 жылғы 27 наурызда өткізілген «Сардар» республикалық кешенді олимпиадасының облыстық кезеңіне 11 сыныптардан 18 оқушы қатысты. Аталмыш іс-шара екі кезең бойынша өткізілді. Теориялық кезеңде қатысушылар физика, математика, Қазақстан тарихы, қазақ немесе орыс тілі және бастапқы әскери дайындық бойынша тест орындады. Тәжірибелік кезеңде алғашқы әскери дайындық пен дене шынықтыру бойынша жеке саптық даярлық, АК-74 автоматын толық және толымсыз бөлшектеу мен құрастыру, белағашта тартылу нормативтері тапсырылды. Олимпиаданың жеңімпазы №20 лицей-мектебінің оқушысы Назар Қаныш. Құттықтаймыз!