№2, № 21 және Ш.Шөкин атындағы гимназия-мектептерінің оқушылары ағымдағы жылдың 21-23 ақпан аралығында Астана қаласында өтетін Central Asia FIRST Championship халықаралық чемпионатына аттанды.

Оған әлемнің он елінен, оның ішінде Гонконг, БАӘ, Түркия және тағы басқа елдердің 3 мыңнан астам мектеп оқушылары қатысады. Мектеп оқушылары үш негізгі жас санат бойынша жарысады: FLL Explore (6-10 жас), FLL Challenge (10-16 жас) және FIRST Tech Challenge (12-18 жас). Чемпионатқа робот ойынынан басқа инновациялық жобалар байқауы мен қазылар алқасы енгізілген.

Central Asia FIRST Championship жеңімпаздары бағалы сыйлықтармен, халықаралық жарыстарға қатысуға лицензиялармен, қазақстандық және шетелдік жоғары оқу орындарына гранттармен марапатталады.

Біз жас инженерлерімізге барынша сәттілік, табандылық пен шабыт тілейміз!