Республикалық қоғамдық бірлестігі «Жас Ұлан»

бірыңғай балалар мен жасөспірімдер ұйымына

екінші толқын оқушылардың қабылдануын өткізудің

тұжырымдамасы

Негізгі мақсаты

         «Жас Ұлан» ұйымының негізгі мақсаты оқушылардың қоғамдық әлеуметтік, танымдық және шығармашылық қабілеттерін дамыту.

Міндеттері:

-   мектеп оқушыларының әлеуметтік тәжірибелерін байыту және дамыту, әлеуметтік-танымдық бастамаларды жүзеге асыру;

- мектептің тәрбиелік әлеуетін жүзеге асыру.

Өткізілу орнын безендіру талаптары:

1.Мемлекеттік рәміздер (Қазақстан Республикасының туы, елтаңбасы).

2.Мерекелік безендірулер (шарлар, гүлдер және т.б.)

3.«Жас Ұлан» белгісі бейнеленген баннер.

Қатысушылар:

         Барлық (қалалық, аудандық, облыстық)  мектеп оқушылары, әкімшілік өкілдері, Маслихат депутаттары, соғыс және еңбек ардагерлері, бұқаралық ақпарат құралдарының өкілдері, ата-аналар.

Қабылдауды өткізу талаптары:

     «Жас Ұлан» қатарына қабылдауды өткізу Әкіммен (аудан, қала, облыс), сонымен қатар өңірлердің танымал адамдарымен, құрметті азаматтармен, жастар ұйымының көшбасшыларымен жүзеге асады. 

«Жас Ұлан» ұйымына қабылданатын оқушыларға

қойылатын талаптар:

1.Облыстық, қалалық және аудандық олимпиадада орын алған жеңімпаздар.

2. Облыстық, қалалық және аудандық ғылыми-практикалық конференцияда  орын алған жеңімпаздар.

3. Облыстық, қалалық және аудандық спорттық жарыстарының жеңімпаздары.

4. Республикалық,облыстық және қалалық шығармашылық байқаулардан орын алған жеңімпаздар.

5. Мектептегі өзін-өзі басқару органдарының көшбасшылары.

 «Жас Ұлан» төсбелгісі

Салтанатты рәсімді өткізудің сценарий жобасы

         Өтетін орын ҚР мемлекеттік рәміздерімен безендіріледі. «Жас Ұлан» балалар мен жасөспірімдер ұйымының таңбасы баннерге бейнеленіп, ілінеді.

         Шақырылатын қонақтар: соғыс және еңбек ардагерлері, танымал қоғам қайраткерлері, Парламент және мәжіліс депутаттары.

         Жүргізушілер салтанатты рәсімнің басталуын хабарлайды.

         Қазақстан Республикасының әнұраны орындалады.

         Өтетін орынға салатанатты түрде (салтанатты әуен ойнайды) «Жас Ұлан» қатарына қабылданатын оқушылар шақырылады.

         Патриоттық ән ойнайды (Мысалы: «Атамекен», «Елім менің» «Саржайлау» және т.б.). 

         Жүргізушілер:  «Біз ...»

         Оқушылар қолдау көрсетеді: «Жас Ұлан»

         Жүргізушілер:  - ұранымыз

         Оқушылар қолдау көрсетеді: «Қазақстан – Нұрсұлтан – Жас Ұлан» - 3 рет.

         Патриоттық ән ойнайды.

         Жүргізушілер ең үздік 20 оқушыны шақырады. (Әрбір «Жас Ұланға» қабылданатын оқушыны жеке таныстырып, Республикалық, облыстық, қалалық, аудандық олимпиадаларда, спорттық жарыстарда, конференцияларда, шығармашылық байқауларда алған орындарын хабарлау).

         Жүргізушілер танымал қонақтарды «Жас Ұлан» ұйымына оқушыларды қабылдауға шақырады.

         «Жас Ұлан» ұйымына қабылданушыларға төсбелгілерді және галстуктерді  табыстау рәсімін: Облыс, аудан әкімдері, Еңбек және соғыс ардагерлері, Мәдениет қайраткерлері, облыс Маслихатының бас хатшысы т.б. белгілі тұлғалар жеке-жеке ең үздік 20 оқушыға табыстайды.

         Ал жастар ұйымдарының көшбасшылары қалған оқушыларды марапаттайды.

         Марапаттаудан кейін «Жас Ұланның» 1 мүшесі ант береді, қалғандары «Ант етеміз, ант етеміз, ант етеміз» деп 3 рет қайталайды.

         Әкім «Жас Ұлан» мүшелерін құттықтап, жолдарына сәттілік тілейді және «Жас Ұланның» жаңа мүшелеріне естелік сыйлықтар табыстайды.

         «Жас Ұланның» әнұраны орындалады және «Жас Ұланның» туы көтеріледі.

         Қошемет көрсетіледі.

         «Жас Ұлан» қатарына қабылдау салтанатты рәсімінің аяқталғанын хабарлайды.

         Шараның ұзақтығы 40 минут.

         Жастар саясат департаментінің

          директоры:                                                                        М. Кожахмет