Жазғы мектеп оқыту сапасын арттыру, білім алушылардың,  біліміндегі олқылықтарды толықтыру мақсатында жүргізіледі. Сабақтар оқушылардың сұраныстары мен қажеттіліктерін ескере отырып, сараланған, жеке тәсілдер негізінде ұйымдастырылады. Климаттық жағдайларды ескере отырып, бастауыш сыныптарда сабақтар 30 минуттан, 5-10 сыныптарда 40 минутқа дейін өткізіледі. Күніне 5 сабақтан артық емес. Жұмыстың түрлері мен әдістерін, оқыту технологияларын педагогтер білім алушылардың жас және жеке ерекшеліктеріне сәйкес дербес айқындайды. Жазғы мектепте білім алушыларының оқу жетістіктері бағаланбайды, үй тапсырмасы берілмейді. Білім алушылардың сабаққа еркін формада қатысуына жол беріледі.