"Алғашқы қонырау" мерекесі
Павлодар қаласының Бауыржан Момышұлы атындағы №22 жалпы орта білім беру мектебінде Алғашқы қонырау мерекесі өтті. Салтанатты жиынды мектеп басшысы Майра Қабиденқызы Мамбетова алғашқы құттықтау сөзімен ашты. Мереке қуанышына ортақтасу үшін көп жыл бойы білім нәрін сусындатқан ардақты ұстаздарымыз келді: Диярова Камал Диярқызы, Хамитова Ләйлә Рашитбекқызы, Шамбаева Мария Макаровна. Жиында сөз алған ардақты ұстаздарымыз жиналғандарды мерекелерімен құттықтап, жылы лебіздерін білдірді. Биыл мектеп бойынша бірінші сынып табалдырығын 276 бала аттады. Сондай-ақ салатанатты шарада құрметті ата-ана Көркембаева Зура Шағырайқызын сөз алып бүлдіршіндерге сәт сапар тіледі. Алғашқы қоңырауды күмбірлете соғу үшін ортаға мектебіміздің 1 сынып жетекшілері мен оқушылары шақырылды. Шараның соңында ұстаздар мен бірінші сыныпқа баратын балдырғандар әуеге шар ұшырды. Балдырғандарға биылғы білім күні ерекше, Бірінші Білім сабағында әрбір бірінші сынып оқушысына Қазақстан Республикасының Президенті Н.Ә. Назарбаевтың «Менің Отаным – Қазақстан» кітабын сыйға тартып отыр. 
