1 қыркүйек - Білім күні
Құрметті ұстаздар, ата-аналар, оқушылар!
Сіздерді 1 қыркүйек-Білім күнімен, дәстүрлі жаңа оқу жылының басталу салтанатымен құттықтаймыз. Абай атамыз: «Адамның көңілі шын мейірленсе, білім-ғылымның өзі де адамға мейірленіп, тезірек қолға түседі» деген екен. Сондықтан бүгінгі жастар ілім-білім жинауға қашанда асығып, тәуелсіз еліміздің игілігі жолында білімдерін ел кәдесіне жаратып, болашақта озық ойлы, өрісі кең, өрелі азаматтары болуы қажет. Биылғы жаңа оқу жылының тағы бір ерекшелігі-мектеп табалдырығын алғаш аттаған бүлдіршіндердің қадамы Қазақ хандығының - 550 жылдығы, ел Конституциясының - 20 жылдығы, Ассамблеяның - 20 жылдық торқалы тойларына тұспа-тұс келіп отыр. Бұл да есте қаларлық жағдай. Кішкентай бүлдіршіндеріміздің талабы-оң, қадамы құтты болсын! Ел ертеңі сендерсіңдер шәкірттер, қиялдарың ұшқыр болып, қанаттарың талмасын жаңа оқу жылы толағай табыстарға, жаңалықтарға толы болсын!
