Биыл Кеңес әскерлерінің Ауғанстан жерінен шығарылғанына 28 жыл толып отыр.Бөтен елде интернационалдық борышын орындаған сол кездегі шектеулі әскери бөлімшелердің қатарында мыңдаған Қазақстан азаматтары да қан-құйлы соғысқа қатысты. Ауған соғысы 1979 жылдың 25 желтоқсанында басталып,10 жылға созылғанын баршамыз білеміз.

Павлодар қаласы дене шынықтыру және спорт бөлімінің ұйымдастыруымен Кеңес әскерлерінің Ауған жерінен шығарғанына биыл 28 жыл толуына орай футболдан мектеп оқушылары арасында қалалық жарыс өтті.  Жарысқа қатысып, әр команданың намысын қорғаған намысты жеткіншектер өздерінің күш – жігерлерін көрсете білді. Тартысты жарыстың қортындысы бойынша жеңіске жеткен Бауыржан Момышұлы атындағы №22 ЖОББМ командасы (жаттықтырушысы Қуанышбек Қуанышбекұлы) 1-орынды иеленді. «Үздік қорғаушы» номинациясымен 8 "А" сынып оқушысы Нескеев Санжар дипломмен марапатталды. Оқушыларды жеңістерімен құттықтап, келешекте биік асуларды бағындыратынына сенімдіміз!