Бауыржан Момышұлы атындағы жалпы орта білім беру мектебінің кітапхана залында 2020 жылдың ақпан айының 6- жұлдызында Қазақстанның халық жазушысы, Қазақ ССР мемлекеттік Сыйлығының лауреаты, Қазақстан Республикасының алғашқы Әнұраны мәтінінің авторларының бірі, поэзия Пайғамбары, публицист, сыншы, драматург, есімін туған халқының жүрегіне сұлу, сырлы өлеңдерімен өрнектеп жазып кеткен Қадыр Мырза Әлінің шығармашылығына арналған «Қазақтың дана Қадыры» атты кеш   «Махаббат пен шығармашылық педагогикасы»  өзін-өзі тану онкүндік декадасымен бірге келді . Кеште 4-5 сынып оқушылары ақынның өлеңдерін жатқа оқып,күй ойналып, ән шырқалды.  Балалар Қадыр Мырза Әлінің бойындағы адамгершілік қасиеттерін сезініп, өздерін сол тұлғаға ұқсататындарын айтып, өзара  бөлісті. Қызықты кешті ұйымдастырған  өзін-өзі тану пәнінің мұғалімі Р.С.Куниязова мен  кітапханашылар Р.Асылбекова мен Н.Баильдинаға алғыс айтамыз.