«Бауыржан Момышұлы атындағы ЖОББМ»    Облыстық Ақсақалдар Кеңесі жанындағы  «Ақсақалдар тағылымы»  Қоғамдық Бірлестігімен ынтымақтастық орнатып, оқушыларға рухани-танымдық, ұлттық тәрбие беруге бағытталған бірқатар іс-шараларды атқаруда. Сондай тағылымды шараның бірі -  «Әжелер өнегесі» атты тәрбие сағаты. Аталған шараға   –Қуат Әбусейітов атындағы  мәдени-сауық  орталығына қарасты «Сағым жылдар» әжелер ансамблінің төрайымы Елеукенова Бақытжамал Тұманқызы,  ансамбльдің көркемдік жетекшісі Батырханова Қазигүл Батырханқызы және  Жолдасова Айман Орынтайқызы 6-сынып  қыздарына  шаш өсіру тәрбиесіне қатысты ырымдар мен тыйымдар, шаш әшекейлерінің түрлері , ұлттық қолөнер жайында әңгімелеп берді.  Ұрпақтар сабақтастығына құрылған өнеге сағатының  бүгінгі таңдағы қазақ қызының тәрбиесінде алатын орны ерекше.