Бүгінбіздің мектебімізге қонақта сонау Желтоқсан оқиғасы күндерінің куәгері қатысушы Айман Файзоллақызы Зейнуллина - филология ғылымдарының кандидаты, профессор, ХАА академигі, С.Торайғыров университетінің «Үш тұғырлы тіл» кафедрасының меңгерушісі, «Құрмет» орденінің иегері келіп отыр. Сол 1986 жылы небәрі 19 жасар жас бойжеткенді ел тағдыры қатты алаңдатты. Айман Файзоллақызы да алаңға шыққан намысшыл жастардың қатарынан табылды. Кездесу барысында қазақтың қаһарман қызы еліміздің Тәуелсіздігіне алғашқы қадам жасаған жастардың қандай шырғалаңға тап болғандығы жайында сыр шертті. Оқушылар өздерін қызықтырған сұрақтарын қойып, тыңғылықты жауаптарын естіп, бұл кездесуден зор әсермен қайтты. Кездесу өте тартымды өтті.