03 мамыр күні мектепте Павлодар облысының білім беру басқармасы Білім беруді дамытудың инновациялық орталығының «Мектепке бағдар» жобасы аясындағы «Теориядан практикаға – Lesson Studу жүзеге асыру» тақырыбы бойынша шеберлік сағаты өткізілді. Мақсаты: педагогикалық үдеріске тұтас, дәйекті және перспективалық сипат бере отырып, мектепке дейінгі және бастауыш мектеп балалық шақ кезеңдерінде баланың дамуының бірыңғай желісін іске асыру.
Білім беруді дамытудың инновациялық орталығының әдіскерлері Л.С. Серикбаева , С.Е.Бекбергенова, М.Г.Садыкова қазіргі таңда сабақ барысында, Lesson Study - мұғалім тәжірибесі саласындағы білімді жетілдіруге бағытталған, сабақтағы іс-әрекеттегі зерттеудің ерекше үлгісі болып табылатын педагогикалық тәсілдігіне тоқталып, коуч-сессия өткізсе, тақырып аясында №26 мектептің оқу-ісінің меңгерушісі А.К.Байғабылова, А.Бейсенқызы, Е.А.Ушакова, А.Р.Ахметжанова бастауыш сыныптарда ашық сабақ берді, өз тәжірибелерімен бөлісті. Шебер-сынып алаңына облысымыздың мектеп, аудан педагогтері А.А.Жантемірова, Р.А.Тюменева, Б.С.Аубакирова, Ж.С.Сулейменова, Б..Нургалиева, Н.Н.Петраченко, Г.М.Аскарова баяндамаларында тақырыпқа сай жұмыс нәтижелерімен, бақылауларын ортаға салды. Мектеп психологы Ж.П.Омарханова «Педагогтердін кәсіби жануына» байланысты психологиялық тренинг өткізді.
​ Жұмыс барысында облыс ұстаздары өз пікір, зерттеулерімен алмаса отырып, тәжірибелік қорларын толықтырды.