Бірақ қазіргі кезгі әлемде адамдардың көбіне осы сый аңыздық арман болып табылады. Олар бостандығынан айырылып, тұрақсыздық, қорқыныш сезімімен өмір сүреді. Негізінен осы күн осы адамдарға арналған. 1982 жылы БҰҰ бас ассамблеясының шешімімен Халықаралық бейбітшілік күні оқ атуды тоқтату және күш көрсетуден бас тарту күні деп жарияланды. Сол кезден бастап мереке жыл сайын 21 қыркүйек күні тойланады, миллиондаған адамдарды қатыстырып, көптеген елдерді қамтиды. Адамдарды бейбітшілік туралы ойлауға, сонымен бірге ол үшін бірдеңені жасауға шақырады. Сондықтан 21 қыркүйек күні Павлодарда осы күні тойланатын Халықаралық бейбітшілік күніне арналған жаппай іс-шаралар өтті. Облыстың барлық 250 мектебінде таңертеңнен бейбітшілік, достық және келісушілік сабақтары өтті. Оқушылар алдында қоғамдық бірлестіктердің көшбасшылары, діни өкілдері, фашистік лагерьлердің бұрынғы тұтқындары, Ұлы Отан соғысының ардагерлері және мүгедектері, интернационалист-жауынгерлер сөз сөйледі. Ал біздің № 26 мектепте қайырымдылық жәрмеңкесі өтті, ол да Халықаралық бейбітшілік күніне арналған. Әдеттегідей бастауыш сыныптар оқушылары белсенді қатысушылар болды. Жоғары мектептен 6Б, 5А, 7А сыныптар қатысты. Жәрмеңкеде жиналған қаражат біздің облысымыздағы мүгедек балаларға көмек көрсету үшін Бейбітшілік қорына жіберіледі.