Бүгін мектебімізде Павлодар облысының 80 жылдығына арналған жалпы мектептік сынып сағаты өткізілді. Сынып сағаттың мақсаты – оқушылардың туған өлкесі, оның тарихы, көрікті жерлері жайлы білімдерін кеңейту, өскелең ұрпақтардың азаматтық жеке қасиеттерін қалыптастыру, өз Отанына деген сүйіспеншілігін, мақтанышын тәрбиелеу.
Павлодар облысына кіретін қалалары жайлы мәлімет беріліп презентация көрсетілді. Сонымен қатар Павлодар облысының мәдениеті, медицинасы және білім беру салалары тыс қалған жоқ. Сынып жетекшілері облысымыздың атақты тұлғалары Қаныш Сәтбаев, Сұлтанмахмұт Торайғыров, Мәшһүр Жүсіп Көпеев және Павел Васильев туралы ақпарат берді.