Бүгін 5 "Г" сыныбында қазақ халқының ғұлама ақыны Абай атамыздың 175 жылғы мерейтойына арналған «Ақындар портреті: Абай және Пушкин» атты сабақ өткізілді. Сабақтың мақсаты еліміздің тарихында үлкен із қалдырған Абай атамыздың мың қырлы мың тәлімінің теңіздегі тамшыдайын біліп, екі ақынның рухани үндестігін оқушыларға түсіндіріп, екі достас халықтардың ақындарын не біріктіреді деген сауалға жауап беру еді. Сабағымыз ел президенті Қ.Тоқаевтың оқыған «Ғылым таппай мақтанба» өлеңі челленджінен басталып, «Желсіз түнде жарық ай» әнімен аяқталды. Екі тілде екі ақынның өлеңдері оқылып, аудармалары компьютерден тыңдалып, оқушылар рухани білім алды.

Абай сөзі – адамның жанына азық,
Ақылдың таразысы, алтын қазық,
Абайдың өсиетін түсінгендер
Кетпейді деп сенемін дүниеге азып.