Көктемгі демалыстың естен кетпес оқиғаларының бірі - қалалық Абай оқулары. Қалалық XVII Абай Құнанбайұлы мен Шәкәрім Құдайбердіұлының оқулары мектебімізде өткізілді. Оған әр түрлі номинациялар бойынша басқа мектеп оқушыларымен қатар, алтын ұямыздың 4 оқушысы бақтарын сынады. Нәтижесінде «Өлең сөздің патшасы, сөз сарасы» мәнерлеп оқу номинациясында 5 «а» сынып оқушысы Жадыра Шакирова ІІ орынды иеленді. Мұғалімі – Манабаева Гүлбайрам Рахымқызы. «Жүйріктен жүйрік озар жарысқанда» жас ақындар номинациясында ІІІ орынды 10 «а» сыныбының оқушысы Әділ Жанғали алды. Мұғалімі – Нәжім Мейрімхан Бахрадинқызы. «Көңілім әнді ұғады» номинациясында Тлеубаева Айнұр Бақытқызы дайындаған 9 «а» сынып оқушысы Камила Каратаева ІІ орыннан көрінді. Жеңімпаздарды құттықтаймыз!