2018 жылдың 2 наурыз күні  «Қазақ қызы – қасиетім, қадірім» атты мектепішілік қыз сыны байқауы өткізілді. Байқау 5-6 сынып оқушыларының қыздары арасында ұйымдастырылды. «Қыз сыны» сайысының мақсаты: әдептілікке, сыпайылыққа, кішіпейілділікке, өнерге ұмтылған қыз балаларды тәрбиелеу.

Сайыс «Мен қазақтың қызымын» таныстыру, «Салт-дәстүрді білесің бе?» атты салт-дәстүрге қатысты сұрақтар қою, «Бұрымды қыз» атты шаш өру түрі мен «Өнерлі өрге жүзер» сияқты өнер сайысы бөлімдерінен тұрды.

 Байқау нәтижесінде  Бас жүлдені 5 «А» сыныбының оқушысы Олжекен Камилла ұтып алса, І орынды 6 «Ә» сынып оқушысы Жақсыбекова Аделя иеленді. ІІ орынды 5 «Ә» сыныбының оқушысы Кусманова Алима алса, 5 «Б» сыныбының оқушысы Асылханова Анель,6 «А» сыныбынан Нұрмагамбетова Алина және 6 «Б» сыныбынан Айтуарова Аяна  ІІІ орынмен марапатталды.

Аға тәлімгер А.Т.Байтемирова