Гүлдер фестивалі
«Радуга» мектеп жанындағы жазғы сауықтыру лагерінде «Гүлдер фестивалі» экологиялық мерекесі өткізілді. Балаларға гүлдерден түрлі костюм әзірлеу керек еді. Олар бұл ұсынысты жаппай қабылдап, келесі күні лагерь әдемі гүлдердей құлпырып кетті. Тәрбиешілер гүлдер туралы қызықты сценарий құрастырып, оқушылардың шығармашылық қабілеттерін, логикалық ойлауын дамыта білді. Шара барысында балаларға түрлі тапсырмалар ұсынылды: гүлдер туралы әндердің атауын еске түсіру, гүлдердің суретін салу, гүлдерге қалай күтім жасау керек және т.б. Сонымен қатар оқушылардың танымдық қызығушылығы арта түсті: гүлдердің отаны туралы, олардың атаулары қалай пайда болғандығы жөнінде көп мәлімет білді. Шара соңында барлық отрядтар арасынан Гүлдер Патшасы мен Патшайымы таңдалынды. Шара тартымды әрі қызықты болды.
