«Сүйікті ертегілер беттерінен» сайысы
6 қарашада 1 «Б» және 1 «Г» сыныптарында «Сүйікті ертегілер беттерінен» сайысы өткізілді. Балалар шараға жауапкершілікпен дайындалып келіпті: сүйікті ертегілерінен үзінді оқып, көріністер даярлады, ертегі костюмдерін киіп, кейіпкерлерді сомдады.
Сайыс бағдарламасы сергіту сәтінен басталып, бастауыш сынып мұғалімдері «Ертегі кейіпкерлері» тұсаукесерін ұсынды. Балалар ешбір қиындықсыз ертегі кейіпкерлерін атады. Мұғалімдер Күлдікова Ә.Қ., Мананникова Е.В. балалардың жас ерекшеліктерін ескере отыра қызықты да танымды тапсырмаларды дайындады. Тапсырмалар ертегі тақырыбына арналған ойындармен және музыкалық үзіліспен кезектесіп берілді.
Сайыс соңында балалар грамоталармен марапатталды және белсенділік танытқан қатысушыларға «Менің сүйікті ертегілерім» топтамасынан кітапшалар таратылды.
