2010 жылдың 3 ақпанында № 40 жалпы орта білім беретін мектепте «Қазақша сөйлесейік» акциясы өтті. |Бұл шараның мақсаты - мемелекеттік тіл деңгейін көтеру, оны қолдану аясын кеңейту, сондай-ақ оқушылардың азаматтық санасын ояту. Аталмыш шара қазақ тілі мен әдебиеті әдістемелік бірлестік мұғалімдерінің ұйымдастыруымен жүргізіліп, мектептің оқушылары мен ұстаздар қауымы белсенді ат салысты.

Бұл күні барлық ұстаздар мен оқушылар алдына қойылған негізгі талап – қарым-қатынас барысында тек мемлекеттік тілде сөйлесу. Акция аясында мектеп ішінде құрылымы мен формасы жағынан сан-алуан шаралар өткізілді: «Білгіштер» жарысы, «Тілім – алтын қазынам», «Ұлттық ойындар» жарысы, «Кім мықты», «Мақал-мәтел», «Әрі оқу, әрі ойын» сайысы т.б. Мерекелік газеттер шығарылды. Жоғарыда аталған шаралар балалардың жас ерекшеліктеріне, оқытылу тіліне, білім деңгейіне байланысты құрылып, олардың тілдік білімдерін дамытуға, қазақтың рухани болмысын түсінулеріне, логикалық ойларын дамытуға, тілге деген талпынысын оятуға бағытталған. Оқушылар бұл күннің өткізілуіне дән риза болды. Келешекте әр айдың бірінші сәрсенбісі мектеп ішінде осындай жұмыстар жүргізу игі дәстүрге айналмақ.

Қазақ тілі мен әдебиеті

әдістемелік бірлестік жетекшісі Ахметова Ж.С.