Павлодар қаласындағы №40 жалпы білім беру мектебінде 2016 жылы ақпан айының 18 күні «Экологиялық мәдениет мектебінің экспериментальды қызметі бойынша есеп беру» шарасы өтті. Семинар төңірегінде ашық сабақтар, ғылыми жобалар, тәрбие іс-шаралары, сабақтан тыс тәрбие жұмыстары мен қорытынды концерт өткізілді. Бұл семинарға қалалық білім беру орнынан бас маман Л.П. Казанцева және әдіскер К.Т.Алимова қатысты. Кандидат, ұстаз, профессор, осы мектептің ғылыми жобаларының жетекшісі ПМУ –дың аға оқытушысы В.Н. Афанасьева, қалалық мектептердің оқу -ісінің меңгерушілері мен ұстаздары сонымен қатар оқушылар сарайының жетекшілері, жалпы саны 40-тан астам қонақтарымыз қатысты. Барлық іс-шаралар жоғары деңгейде ұйымдастырылып, мектебіміздің мәртебесі жоғарылады. Оқушылардың көркем суреттері, қолөнері көрмеге қойылып, көрермен көзайымы болды. «Экоүй» акциясы өз дәрежесінде өткізілді Бұл қорытынды есептің нәтижесінде мектебімізге бүгінгі күнгі дәрежемізден де жоғары мәртебеге «лайық» екенімізді сипаттайтын ұсыныстар айтылды.