«Әй, жарайсың!»
Орыс тілінде оқытатын мектеп оқушылары арасында «Әй, жарайсың!» қалалық сайысы өткізілді. Сайыс үш бөлімнен тұрды. Сайыстың «Отбасының рухани құндылықтары» атты бірінші бөлімінде оқушылар өзін-өзі таныстырып, ұнайтын, шұғылданатын кәсібі, өмірлік ұстанымы туралы айтып жарысты.
Екінші бөлім – капитандар сайысы. Оқушылар мақал-мәтелдерді оқып, мағынасын түсіндірді. Бұл жерде капитандар өздерінің білімпаздығын, тапқырлығын және қайсарлығын көрсете білді. Ал, конкурстың үшінші бөлімі «Өнерлінің өрісі кең» атты таланттар сайысының мақсаты оқушылардың өнерге қабілеттілігін, эстетикалық сезмдерін, эмоциональды мәдениетін дамыту болғандықтан, қатысушы оқушылар ән айтып, өлең оқып, сахналық көріністер көрсетті. Сайыс өте қызықты өтті.
Сайыстың қорытындысы бойынша № 40 ЖОМ-нің «Жас Ұлан» командасы үшінші орынға ие болды.
