22 наурызда Наурыз мейрамын тойлауға мектебіміздің ұжымы белсене ат салысты. Мерекелік шара Шығыс мөлтекауданында Ардагерлер үйінің жанындағы алаңда өтті. Мектеп ұжымының күшімен киіз үй  құрылды.

Сағат 12-нің шамасында алаңға халық көп жиналды. Мектеп оқушыларының, мұғалімдерінің қатысуымен 3 сағаттық театрланған әдеби-музыкалық монтаж ұйымдастырылды. Сонымен қатар халыққа: «Балаға ат қою», «Бесікке салу», «Тұсау кесу», «Тілашар», «Қыз ұзату» сияқты ұлттық салт-дәстүрлер көрсетілді. Қатысушылар ұлттық өрнектелген киімдерде болды. Ауа райының қолайсыздығына қарамастан көрермендер мерекелік шараны жақсы көңіл-күймен қабыл алды.

Дене шынықтыру мұғалімдері әр-түрлі спорттық сайыстар ұйымдастырды. Жеңімпаздар жүлделелі сыйлықтарын алды.

Даладан ыстық шай, бауырсақ пен плов жеуге жағдай жасалынды. Ал ардагерлерді киіз үйде қазақша ет пен ұлттық тағамдар тосып тұрды. Қонақтар шын көңілден ризалықтарын білдіріп, алғыстарын айтты.

Осындай мерекелік шара Шығыс мөлтекауданда №41 мектептің ұжымының арқасында өтті.

Наурыз мерекелеріңіз құтты болсын!