2012 жылдың 13 қаңтарында №41 мектепте Павлодар облысының білім беру басқармасы, Павлодар облысының педагог кадрлардың біліктілігін арттыру институтының қолдауымен орыс  тілінде оқытылатын мектептердегі қазақ тілін деңгейлеп оқыту мәселелеріне арналған Облыстық семинар-кеңес өтті. Семинар-кеңеске Павлодар қаласы мен Павлодар облысының барлық аудандарынан әдіскерлер мен қазақ тілі мұғалімдері қатысты.

     Педагог кадрлардың біліктілігін арттыру институтының әдіскері Махадил Зауреш шахмарданқызы «Қазақ тілі» оқу бағдарламасының ерекшелігіне  тоқталды.

    №41 мектептің қазақ тілі мен әдебиет пәнінің мұғалімі Жүсіпова Гаухар Жангалиевна қазақ  тілі сабағын негізгі деңгей талаптарына сай ұйымдастыру бойынша ашық сабақ көрсетті.

    №41 мектептің қазақ тілі мен әдебиет пәнінің мұғалімі Исенова Светлана Бақиқызы «Тұлға құзырлылығын қалыптастырудағы фольклордың мәні» - факультативтік сабақ көрсетті.

     №41 мектептің қазақ тілі мен әдебиет пәнінің мұғалімі Негманова Құралай Уахитқызы «Қазақ тілін  халқаралық стандарт негізінде деңгейлеп оқыту» атты тренинг өткізді.

      Негманова Құралай Уахитқызы «Ертіс өңірінің компоненті» атты электронды оқулық құрастырып, облыстық конкурста І дәрежелі дипломмен марапатталған. Осы жұмысы бойынша тәжірибе алмасты.