Қаламыздағы № 41 дене шынықтыру – сауықтыру бағыты бойынша жалпы орта білім беру мектебінде  «Толағай» атты музыкалы спорттық сайыс өткізілді. Бұл «Тұңғыш президент» күніне арналған мерекелік іс-шара болатын. Мақсаты оқушы мен ата-аналарға музыкалы- спорттық ойындарды орындата отырып қызығушылықтарын арттыру. Адамның жанын да, тәнінің де тазаруы, денсаулығының жақсаруы салауатты өмір салтын ұстануға тәрбиелеу.Әр отбасында ата-ана – шаңырақтың негізгі ірге тасы болып есептелінеді. Сондықтан, бала өмірінде салауатты өмір салтын қалыптастыруда әке мен ананың рөлі орасан зор. «Толағай» отбасылар сайысы- еліміздегі отбасылардың атсалысуымен өтетін бағдарлама.Осы сайысты ұйымдастырушы   ән-күй мұғалімі Рамазанова  Несіп Қуатқызы мен 1 «Ә» сынып мұғалімі Файзрахманова Фарида Шайкенқызы. «Толағай» атты іс-шаралық сайысқа 1 «Ә» және 2 «Ә» сынып оқушыларымен бірге олардың ата-аналары қатысты. Сайыс әр түрлі кезеңнен тұрды.Осы музыкалы-спорттық сайыста оқушылар мен ата-аналар өз өнерлерін көрсете білді.. Сайыс соңында бірнеше номинация бойынша, жеңімпаздарға мадақтама қағаздары мен сыйлықтар табыс етілді.

                                        Павлодар қаласы. №41 мектеп.

                                      Бастауыш сынып мұғалімі – Файзрахманова Ф.Ш.