«Мың бала»

21 қазанда «Павлодар қ. № 41 ЖОБМ» ММ-де «Мың бала» байқауы өтті, онда 15 оқушы есебінде өзге ұлт өкілдері қатысты. Іс-шараның бас мақсаты жас қазақстандықтардың патриоттық, болашаққа деген жауапкершілік, толеранттық, басқа халыққа, оның әдет-құрпына деген құрмет сезімін ояту. Байқау екі кезеңнен тұрды. Бірінші кезеңде балалар өздерін таныстырып шықты. Екінші кезеңде қатысушылар өздерінің поэзиядан үзінділерді оқу, ән айту, қойылымда қатысу шеберліктерін паш етті. Үшінші кезеңде қатысушылар қазылар алқасының сұрақтарына жауап қатты. Осының барлығы мемлекеттік тілде өтті. Сұрақ-жауаптың тақырыптары жылдың белгілі жағдайлармен байланысты болды: Қазақ хандығығының – 550 жылдығы, Қазақстан халық Ассамблеясының 20 жылдығы, Ұлы Жеңісінің 70 жылдығы. Әділ қазылар алқасы құрамына енген мәдени облысының кәсіби қайраткерлері байқау жеңімпазын анықтады. Жеңімпаз болып Берег Ольга атанды. Ендігі кезекте Ольгамыз «Мың бала» облыстық байқауында мектебіміздің абыройын қорғамақ. Барлық қатысушылар мен оларды бұл сайысқа дайындаған қазақ тілі мен әдебиет мұғалімдері алғыс хатпен марапатталды. Құттықтаймыз!!!

Мектептің тәрбие орталығы